ЦХХХ-ны сайд Н.Учрал НҮБ-ын суурин зохицуулагч Тапан Мишраг өнөөдөр /2023.10.03/ хүлээн авч уулзлаа. Уулзалтын эхэнд Н.Учрал сайд Монгол улсын цахимжилт, шилэн, ил тод байдал олон улсад үнэлэгдсэнийг онцолж, цахим шилжилтийг эрчимжүүлэх бодлогын хүрээнд хийж буй ажлуудаа танилцууллаа. Мөн НҮБ-ын Тогтвортой хөгжлийн зорилтуудыг хэрэгжүүлэхэд хамтран ажиллаж, дэмжлэг үзүүлэхэд нээлттэй гэдгээ илэрхийлсэн юм.
![](https://mddc.gov.mn/wp-content/uploads/2023/10/385912583_717310927102512_497350534559790492_n-1024x640.jpg)
НҮБ-ын суурин зохицуулагч Тапан Мишра хүлээн авч уулзаж буйд талархал илэрхийлээд, цахимжилт тэр дундаа хувийн хэвшлийнхнийг бодлогоор дэмжих E-Business.mn платформыг үр дүнтэй ажиллуулж байгааг онцоллоо. Мөн Тогтвортой хөгжлийн зорилтуудыг амжилттай хэрэгжүүлэхэд ЦХХХЯ манлайлж, хамтран ажиллахыг хүслээ.
![](https://mddc.gov.mn/wp-content/uploads/2023/10/385920252_717310887102516_4968709716820538902_n-1024x640.jpg)
![](https://mddc.gov.mn/wp-content/uploads/2023/10/386082779_717310917102513_4848971605807103325_n-1024x640.jpg)
![](https://mddc.gov.mn/wp-content/uploads/2023/10/385921894_717310880435850_8183289669278191856_n-1024x640.jpg)